Concello de Verín

O Auditorio de Verín acolleu, como unha das actividades paralelas do FIC Vía XIV, o pase dunha retrospectiva de curtas cubanas actuais. Esta mostra, seleccionada pola produtora e directora artística de orixe cubana, Claudia Expósito, “pretende tender pontes entre Verín e Cuba a través do cinema”, tal e como destaca o director do FIC Vía XIV, Carlos Montero.

Este sábado e domingo, 7 e 8 de decembro, a Praza Maior de Verín acolle a V edición da Feira de Nadal, organizada polo Concello de Verín. Na mesma, participarán máis de 40 postos de artesanía, alimentación, decoración, regalos e doces. Así o confirmou esta mañá Manuel Lorenzo, concelleiro de Transportes, Feiras e Hostalería.

Hoxe día 4 de decembro de 2019, o Pleno do Concello de Verín aprobou por unanimidade de todos os grupos presentes nesta institución (PSOE, BNG e PP)  a seguinte DECLARACIÓN INSTITUCIONAL DO CONCELLO DE VERÍN CONTRA O PECHE DO PARITORIO DO HOSPITAL DE VERÍN

A participación do director compostelán Pablo Ces en anteriores edicións do FIC Vía XIV posibilitou a súa entrada en contacto co Entroido de Laza. A súa autenticidade chamoulle tanto a atención, que decidiu rodar un documental centrándose nas personaxes e lugares que fan posible este Entroido.

Dúas das curtas nomeadas aos Premios Goya 2020, cuxas candidaturas se desvelaron onte, proxéctanse estes días no Festival Internacional de Curtas de Verín FIC Vía XIV. “Isto constitúe unha proba irrefutable da calidade da programación que compón o noso certame” considera Carlos Montero, director do Festival. Unha destas curtas nomeadas aos Goya é Homomaquia, que dá a coñecer un mundo onde os seres humanos son tratados coma estes tratan aos animais, establecendo unha ligazón coa tauromaquia.