Concello de Verín

O venres día 27 de xuño, ás 20 horas, a concelleira de Cultura María Corona Meixeira inaugurará na Sala de Exposicións de Verín a mostra 'Arte Infantil', que presenta obras realizadas polo alumnado das Aulas de Iniciación ás Artes Plásticas da Escola de Artes e Oficios.

Mañá xoves 26 de xuño, a Eurocidade Chaves-Verín AECT estará presente no 'I Foro Hispano-Luso de Cooperación Transfronteiriza', onde se presentarán os resultados dos seis proxectos de cooperación transfronteiriza realizados polos municipios de Chaves e Verín no período 2007-2014.

Desde Desenvolvemento Local do Concello de Verín infórmase da publicación da orde do 12 de xuño de 2014, da Consellería de Traballo e Benestar, pola que se establecen as bases reguladoras para a concesión, en réxime de concorrencia competitiva, de subvencións para implantar a responsabilidade social empresarial (RSE) e a igualdade nas pequenas e medianas empresas, no ámbito da Comunidade Autónoma de Galicia, cofinanciadas polo Fondo Social Europeo, e se convocan para o exercicio 2014.

Desde Desenvolvemento Local do Concello de Verín infórmase da publicación da orde do 13 de xuño de 2014, Consellería de Traballo e Benestar, pola que se establecen as bases reguladoras do Programa de incentivos para promover a afiliación á Seguridade Social das mulleres cotitulares ou titulares de explotacións agrarias, cofinanciado polo Fondo Social Europeo, e se procede á súa convocatoria para o ano 2014.

Desde o vindeiro 02 de xullo, e ata o 29 de agosto, o Servizo de Deportes do Concello de Verín desenvolverá o programa 'Verán Deportivo 2014', unha iniciativa lúdico-deportiva destinada a máximo de 200 menores con idades comprendidas entre os 4 e 14 anos.