Concello de Verín

A nova Sala de Exposicións de Verín acollerá mañá martes, ás 19.30 horas, a inauguración da mostra itinerante '51 paxinas das nosas letras', a cargo Miguel Santalices Vieira, vicepresidente 1º do Parlamento de Galicia, e María Corona Meixeira Romasanta, concelleira de Cultura de Verín.

Na xornada de onte, o complexo deportivo de A Granxa acolleu o V Torneo Internacional de Fútbol 8, no que competiron oito equipos da provincia de Ourense e norte de Portugal, e no que resultou vencedor o E.D.C. Verín A.

Este domingo 15 de xuño terá lugar, no complexo deportivo A Granxa, a realización do V Torneo Internacional de Fútbol 8 (categoría alevín).

Desde Desenvolvemento Local do Concello de Verín infórmase da publicación da orde do 5 de xuño de 2014, da Consellería do Medio Rural e do Mar, pola que se convocan para o ano 2014 as axudas aos produtores que participen nos programas de produción e mellora dos produtos agroalimentarios galegos con calidade diferenciada, no marco do Programa de desenvolvemento rural para Galicia 2007-2013.

O grupo de goberno do Concello de Verín participará, esta tarde, na manifestación en defensa do partido xudicial de Verín (promovida desde a Plataforma en Defensa do Partido Xudicial de Verín), “porque manifestamos o noso compromiso cos veciños e veciñas de apoiar toda medida destinada ao  mantemento de todos os órganos xudiciais na provincia, porque a Xustiza ten que ser un ente cercano aos cidadáns, que solvente os seus problemas aos veciños e veciñas, e non lle cree outros que lle obligue a facer un sobrecoste engadido en ter que desprazarse á capital da provincia”, segundo indica o rexedor Juan Manuel Jiménez Morán.