Concello de Verín

As instalacións do Pavillón Municipal de Deportes de Verín e o colexio María Inmaculada   acolleron, esta mañá, a presentación do espectáculo Os Superhércules ao que asistiron máis de 550 menores dos centros educativos da comarca de Verín.

O Servizo de Deportes do Concello de Verín abre, ata o 04 de xuño, o prazo de inscrición para participar na 15ª edición das Ligas de Fútbol-Sala que terán lugar durante o mes de xuño.

A piscina climatizada de Xinzo de Limia acolleu este pasado fin de semana un Torneo de Escolas de Natación, no que o Club de Natación de Verín acadou o subcampionato do mesmo.

Nacho Martínez, coordinador e investigador da área de estudos da asociación de organizacións Plataforma 2015 y Más, é o convidado do encontro dixital #Alén2015 do mes de maio nos medios sociais do Fondo Galego de Cooperación e Solidariedade. Inmerso na presentación do IX Informe Anual da entidade ‘Cara 2015: Visións do desenvolvemento en disputa’, o experto en desigualdade e cooperación valorará o grado de consecución dos Obxectivos de Desenvolvemento do Milenio (ODM) e analizará as propostas e alternativas para a configuración da axenda internacional de desenvolvemento, a denominada Axenda Post 2015, que substituirá á convocada ao redor dos ODM.

O xoves día 29 de maio, ás 11 horas, no Pavillón dos Deportes de Verín, Hércules Brass Quinteto de Metais presentará o seu espectáculo Os Superhércules. No acto, que está organizado polo Concello de Verín e patrocinado en conxunto coa Consellería de Cultura a través do programa Cultura no Camiño, participarán alumnos/as de primaria de diversos colexios da comarca de Verín.