Concello de Verín

Desde Desenvolvemento Local do Concello de Verín infórmase da publicación da orde do 2 de maio de 2014, da Consellería do Medio Rural e do Mar, pola que se establece o réxime de axudas á apicultura e se convocan para o ano 2014.

O salón de actos do Colexio Apostólico Mercedario de Verín será o escenario que acollerá mañá 14 de maio a charla-coloquio “Adestramento mental para unha vida saudable”, a cargo do experto en psicoloxía Rubén Domínguez, que nun principio estaba prevista desenvolverse na Casa da Cultura de Verín -o cambio prodúcese como consecuencia da programación dun acto electoral no mesmo recinto e hora-.

Con motivo da efeméride das Letras Galegas, adicadas este ano a Xosé María Díaz Castro, mañá terá lugar a primeira xornada de actividades, programadas polo Concello de Verín, para conmemorar esta data coa realización dun espectáculo poético-musical e unha presentación literaria.

Desde os departamento de Servizos Sociais e Centro de Información ás Mulleres (CIM) do Concello de Verín infórmase da publicación das axudas económicas, da Consellería de Traballo e Benestar, para atención da primeira infancia en escolas infantís 0-3 non sostidas con fondos públicos a través do programa Cheque infantil, e se procede á súa convocatoria.

Desde Desenvolvemento Local do Concello de Verín infórmase da publicación da resolución do 9 de maio de 2014, Instituto Galego de Promoción Económica, pola que se lle dá publicidade ao acordo do Consello de Dirección que aproba as bases reguladoras do programa de apoio ao acceso ao financiamento operativo (activo corrente) das pequenas e medianas empresas, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca galegas e as entidades financeiras adheridas (Re-solve 2014), e se procede á súa convocatoria en réxime de concorrencia non competitiva.