Concello de Verín

A Biblioteca Pública Municipal de Verín e o salón de actos do colexio María Inmaculada de Verín serán o escenario, na xornada de mañá, das penúltimas actividades culturais e educativas programadas polo Concello de Verín durante a Semana das Letras Galegas, co gallo de celebrar esta efeméride que este ano está adicada a Xosé María Díaz Castro.

O director da Agrupación Europea de Cooperación Territorial Eurocidade Chaves-Verín, Juan Manuel Jiménez Morán, participará como relator no seminario 'Xestión en saúde na rexión de Trás-Os-Montes e Alto Douro: que realidades...que desafíos...', que se celebrará este sábado no auditorio da Escola Superior de Enfermagem de Chaves Dr. José Timóteo Montalvâo Machado.

Desde Desenvolvemento Local do Concello de Verín infórmase da publicación da resolución do 8 de maio de 2014, da Axencia Galega de Desenvolvemento Rural, pola que se aproban as bases reguladoras das subvencións aos proxectos dinamizadores das áreas rurais de Galicia para proxectos de equipamentos térmicos de biomasa, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2007-2013, e se anuncia a convocatoria para o ano 2014.

Na xornada de mañá 15 de maio, a Biblioteca Pública Municipal de Verín acollerá a partir das 19.30 horas unha sesión de recitado do poemario “O sentir dos adentros”, de Eduardo Atanes Álvarez.

Que o Pleno deste concello, en sesión de data 9.5.2014, aprobou inicialmente o INVENTARIO DE BENS E DEREITOS DESTE CONCELLO, someténdose a información pública por prazo de DOUS MESES que se contará dende o día seguinte ao da publicación do anuncio no BOP de Ourense, co fin de que os interesados presenten as alegacións e reclamacións que estimen oportunas.