Concello de Verín

A Biblioteca Pública Municipal de Verín acollerá mañá 18 de marzo, ás 19.30 horas, un encontro co escritor verinense Xosé Carlos Caneiro, que estaba previsto para a semana anterior e foi suspendido por enfermidade do autor.

Desde o Concello de Verín infórmase da publicación da orde do 11 de marzo de 2014, da Consellería de Traballo e Benestar, pola que se establecen as bases polas que se rexerá a concesión da prestación económica de pagamento único por fillas e fillos menores de tres anos para o ano 2014.

A Biblioteca Pública Municipal de Verín, no marco da programación de actividades destinadas ao fomento da lectura e dinamización da instalación municipal, promove a Semana da Novela Negra, que terá lugar do 31 de marzo ao 04 de abril.

O sábado 05 de abril, a partir das 10.30 horas, o Pavillón Municipal de Deportes de Verín acollerá a realización da sétima edición do concurso Cigarrón de Verín, destinado a ser un referente gastronómico, así como a relanzar os produtos e viños da comarca de Monterrei.

Na última comisión de turismo do Eixo Atlántico, celebrada en Vila do Conde e na que participou a Eurocidade Chaves-Verín, acordouse crear un grupo de traballo do Camiño Portugués, no que tamén estará presente a Eurocidade.