Concello de Verín

O secretariado técnico conxunto da Eurocidade Chaves-Verín participará, o vindeiro luns, no 'Fórum sobre a cooperación empresas-institucións-universidades en termalismo e augas minerais', enmarcado dentro da Semana da Auga 2014.

Desde Desenvolvemento Local e Orientación Laboral do Concello de Verín infórmase da publicación da resolución do 7 de marzo de 2014, da Dirección Xeral de Emprego e Formación, pola que se convocan probas de avaliación en competencias clave para acceder aos certificados de profesionalidade de nivel 2 e 3 de cualificación.

Un total de dezaoito restaurantes das comarcas de Verín e Conso-Frieiras forman parte das Xornadas Gastronómicas do Inverno, promovidas desde o Plan de Competividade Puertas de Galicia, co obxecto de promocionar os produtos típicos desta estación, con especial atención ao cocido, matanza e doces típicos.

Desde Desenvolvemento Local do Concello de Verín infórmase da publicación da resolución do 4 de marzo de 2014, da Axencia Turismo de Galicia, pola que se establecen as bases reguladoras para a concesión, en réxime de concorrencia competitiva, das subvencións a axencias de viaxe para o desenvolvemento das actividades de promoción e comercialización turística do destino Galicia, cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.2, e se procede á súa convocatoria para o ano 2014.

Desde Desenvolvemento Local do Concello de Verín infórmase da publicación da resolución do 4 de marzo de 2014, da Axencia Turismo de Galicia, pola que se establecen as bases reguladoras para a concesión, en réxime de concorrencia competitiva, das subvencións a establecementos de turismo rural, establecementos hoteleiros, apartamentos e vivendas turísticas, campamentos de turismo, axencias de viaxes, cafetarías, bares, restaurantes e empresas de servizos turísticos complementarios, nos procesos de certificación, seguimento e renovación das correspondentes normas UNE co obxecto da obtención e/ou mantemento da marca Q de Calidade Turística do Instituto para a Calidade Turística Española (ICTE), cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.2, e se procede á súa convocatoria para o ano 2014.