Concello de Verín

Até o día 31 de maio, a Biblioteca Pública Municipal de Verín acolle a exposición de pintura Portugalidade/Afastamento, de Carlos Dias. Esta mostra itinerante chega a Verín despois de estar exposta no Aeroporto Francisco Sá Carneiro (Oporto) e na Biblioteca de Chaves. A itinerancia no termino municipal verinense continuará entre os días 4 e 30 de xuño en Feces de Abaixo, na Sede da Eurocidade Chaves-Verín (Antiga Aduana).

En total, corenta e catro alumnos e alumnas de seis colexios e institutos da comarca de Verín son finalistas no Certame de Poesía Xosé Carlos Caneiro Pérez e no Certame de Relato Curto Antonio Fernández Pérez, iniciativas que promove o Concello de Verín con motivo do Día das Letras Galegas. Os certames contan, un ano máis, coa colaboración de Gadis. Na Biblioteca Municipal, os días 11 e 16 de maio, terán lugar tamén dúas actividades dedicadas a escritora e profesora María Victoria Moreno, a quen se lle dedica o día das Letras Galegas 2018.

O Departamento de Servicios Sociais (área maiores) do  Concello de Verín, en colaboración con Cruz Vermella Monterrei e a Deputación Provincial de Ourense, inician este mes de maio un programa formativo dirixido a coidadores/as non profesionais que de forma habitual teñan a persoas dependentes ao seu cargo.

O Concello de Verín informa que segundo as análises realizadas pola empresa concesionaria de augas, os parámetros de turbidez e sólidos da auga do Támega -unha vez pasada a mancha da vertedura, de case dez quilómetros,  e que continúa o seu curso río abaixo- confirma a correcta potabilidade da auga a altura de Verín

Nembargantes, á espera de análises máis completas, o Concello de Verín recomenda que se evite na medida do posible o uso da auga da traída para consumo humano, ata ter a absoluta seguridade da idoneidade da súa composición.

O vindeiro venres 11 de maio, ás 19:30 horas, a Biblioteca Municipal de Verín acolle a conferencia “Mulleres e escrita: o gusto polas palabras en Mª Victoria Moreno”, impartida por María do Carme Adán Villamarín, licenciada en Filosofía e doutora en Filosofía pola Universidade de Santiago de Compostela.