Concello de Verín

A Oficina Municipal de Información Xuvenil do Concello de Verín abre o prazo de tramitación das solicitudes de inscrición dos/as mozos/as, de entre nove e dezasete anos, interesados/as en participar na campaña de Verán 2018, que promove nos meses de xullo, agosto e setembro  a Dirección Xeral de Xuventude e Voluntariado.

Onte, ás 19:30 horas, abriu  as súas portas a mostra “110 Anos do Tranvía de Verín: Exposición conmemorativa” na Sala de Exposicións de Verín. Durante o acto, Paco  Boluda e Manuel Hernández, membros da Asociación  Carrileiros (entidade responsable da investigación que fixo posible a exposición), fixeron entrega de sendos fragmentos da vía orixinal do tranvía ás entidades organizadoras do evento ( Concello de Verín, Biblioteca Municipal, Sociedade  Antropolóxica  Galega e   Augas de  Cabreiroá), a modo de elemento conmemorativo da celebración do 110 aniversario do Tranvía Verín –  Cabreiroá.

Durante os días 27, 28 e 29  de abril, o cinema municipal de Verín acolle a proxección das películas “Los vengadores: Infínity war” no Salón de Actos da Casa da Cultura nos seguintes pases:

O Museo do Claustro Mercedario, en Verín, recibiu máis de 4.000 visitas dende a súa reapertura o pasado día 17 de marzo, coincidindo coas festividades do Lázaro, con sendas exposicións sobre a orixe do licor café, os primeiros contactos do Val de Monterrei coas culturas mediterráneas e os descritores aromáticos dos viños da DO Monterrei. Na súa primeira etapa, en agosto do 2017, a exposición “Dionisos, 2000 anos de viño en Monterrei”, xa tiña sumado outras 8.500 visitas.

O martes 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maios. Este ano, a Praza García Barbón acollerá tamen a terceira edición da Feira Solidaria de Verín que contará coa participación de 12 entidades sen ánimo de lucro, que ofrecerán todo tipo de produtos e/ou servizos con fins solidarios. Así o confirmaron esta mañá as concelleiras das áreas de Turismo e Cultura, Purificación Caldelas e Emilia Somoza, na casa consistorial de Verín.