Concello de Verín

Durante os días 8, 9 e 10  de xuño, o cinema municipal de Verín acolle a proxección da película “Han Solo: Unha historia de Star Wars” no Salón de Actos da Casa da Cultura nos seguintes pases:

O Observatorio da Lectura e o Libro, pertencente ao Ministerio de Educación, Cultura e Deporte, coa colaboración da Feira do Libro de Madrid e a Biblioteca Pública Municipal  Eugenio  Trías e no marco das actividades do Plan de Fomento da Lectura, organiza por segundo ano consecutivo o Encontro “ Lectureando”, no que, este ano, participa a Biblioteca Municipal de Verín co seu proxecto “Voluntarios da Cultura”.

A II edición do Festival Internacional de Curtas Vía XIV, celebrada entre os días 1 e 9 de decembro do ano pasado en Verín, deixou un retorno económico directo para a vila cifrado en 30.515 euros. A esta cantidade hai que sumar o valor dos intanxibles que contribúen a fortalecer a marca Verín. Entre eles, tal e como salienta o director do certame, Carlos Montero, destaca o valor da comunicación xerada en torno ao evento, que ascende a 247.500 euros (o que valería unha campaña de publicidade en termos equivalentes). Pola súa banda, Emilia Somoza, concelleira de Cultura de Verín destaca “que o festival sitúase no epicentro da intensa programación cultural que o Concello ten desenvolvido ao longo dos últimos tres anos; unha axenda con carácter estable, que contribúe á dinamización da vila”.

Máis de 650 persoas participaron nas actividades programadas a pasada fin de semana (25 e 26 de maio) na marco das Primeiras Xornadas de Novela Histórica de Verín, organizadas pola Biblioteca Municipal, en colaboración con SAGA (Sociedade Antropolóxica Galega).

O vindeiro sábado 2 de xuño, ás 21:00 horas, o Auditorio Municipal de Verín acolle a representación da obra teatral “Os Coleccionistas. A arte feita comedia”, unha divertida e interactiva comedia, interpretada por Marcos Pereiro, Oswaldo Digón e Santi Romay,  que mestura textos cómicos e creación escénica espontánea con música en directo.