Concello de Verín

Onte, 3 de xullo, inaugurouse o servizo de Biblio-piscina de Verín nas piscinas descubertas de A Granxa. Por décimo ano consecutivo, a Biblioteca Pública Municipal de Verín pon en marcha este proxecto co obxectivo de estender os servizos bibliotecarios aos/as usuarios/as desta instalación deportiva, potenciar a lectura e dinamizar a realización de actividades lúdico-culturais fóra do curso escolar.

O vindeiro 14 de xullo celebrarase a I Andaina Solidaria de Verín organizada pola Cruz Vermella Monterrei en colaboración co Concello de Verín. O percorrido será de 6 kilometros, comezará na Praza da Merced e chegará ata a localidade veciña de Tintores, bordeando o Río Támega.

O Concello de Verín pon en marcha un servizo gratuíto de recollida de trastos voluminosos. Estas recollidas terán lugar cada mércores pola tarde e será necesario que aqueles que queiran disfrutar deste servizo pidan unha cita previa no teléfono 636483344.

Durante o ano 2017 e 2018, o Concello de Verín organizou dous cursos de “Socorrismo en Instalación Acuáticas” (rematando o último a semana pasada), homologados pola Xunta de Galicia, no que participaron unha veintena de mozos e mozas. O Departamento de Recursos Humanos e Réxime Interior do Concello de Verín, dirixido pola concelleira Rosario Rodríguez, implementou esta titulación oficial co obxectivo de solucionar o problema recurrente de escaseza de socorristas titulados na comarca.

O pasado luns, 25 de xuño, a Oficina Municipal de Información Xuvenil do Concello de Verín puxo en marcha os servizos da Ludoteca e o Campamento Urbano “Támega” – 2018. Como cada ano, esta iniciativa busca cubrir o tempo vacacional dos/as menores para que disfruten de diversas actividades culturais e deportivas entre xogos e amigos. Tanto a Ludoteca como o Campamento, que se distribúen por idades, estarán abertos ata o 7 de setembro.