Concello de Verín

Durante o ano 2017 e 2018, o Concello de Verín organizou dous cursos de “Socorrismo en Instalación Acuáticas” (rematando o último a semana pasada), homologados pola Xunta de Galicia, no que participaron unha veintena de mozos e mozas. O Departamento de Recursos Humanos e Réxime Interior do Concello de Verín, dirixido pola concelleira Rosario Rodríguez, implementou esta titulación oficial co obxectivo de solucionar o problema recurrente de escaseza de socorristas titulados na comarca.

O pasado luns, 25 de xuño, a Oficina Municipal de Información Xuvenil do Concello de Verín puxo en marcha os servizos da Ludoteca e o Campamento Urbano “Támega” – 2018. Como cada ano, esta iniciativa busca cubrir o tempo vacacional dos/as menores para que disfruten de diversas actividades culturais e deportivas entre xogos e amigos. Tanto a Ludoteca como o Campamento, que se distribúen por idades, estarán abertos ata o 7 de setembro.

A Agrupación Europea de Cooperación Territorial (AECT) Eurocidade Chaves - Verín foi convidada pola Comisión Europea a participar esta semana en Bruxelas na segunda reunión anual de expertos Europeos en Cooperación Territorial. Esta cita ten como obxectivo aportar valor á proposta de Regulamento do Parlamento e do Consello Europeos relativa a un mecanismo para superar os obstáculos xurídicos e administrativos no contexto aduaneiro COM/2018/373 final 2018/0198 (COD).

Como cada 28 de xuño, celébrase o recoñecemento formal dos dereitos das persoas lesbianas, gais, bisexuales, transexuales e intersexuales. Facémolo en conmemoración dos disturbios de Stonewall (Nueva York), xeralmente coñecidos como o catalizador do movemento pro-dereitos LGTBI en EEUU e no resto do mundo. Estes dereitos fundaméntanse en valores universais e democráticos como a igualdade, o respecto, a diversidade e a liberdade.

Durante o mes de xullo, a aula Multimedia do Concello de Verín ofertará  un total de once accións formativas para os/as usuarios/as interesados en ampliar os seus coñecementos no sector da comunicación e das novas tecnoloxías. Ademais disporá dunha aula aberta para o uso libre dos usuarios da rede Cemit e a resolución de dúbidas informáticas.