Concello de Verín

O vindeiro venres 15 de xuño, ás 20:00 horas (horario local), o presidente da Eurocidade e da Cámara Municipal de Chaves, Nuno Vaz, e o Director da Eurocidade e alcalde de Verín, Gerardo Seoane, reuniranse con motivo da celebración do partido do Mundial de Rusia 2018 que se disputarán Portugal e España.

O pasado 11 de xuño deuse por finalizado o último dos Obradoiros de Estimulación Cognitiva que organizou o Concello de Verín neste último mes, no cal participaron un total de 68 usuarios. A actividade terá continuidade a partir do mes de setembro.

Sara Salgado Rato (9 anos), alumna de Cuarto Curso de Educación Primaria do CEIP Amaro Refojo, alcanzou o primeiro posto, entre os 28.000 participantes na súa categoría, nos Campionatos escolares internacionais superTmatik de cálculo mental.

O vindeiro martes, 12 de xuño, a partires das 09:00 horas estará suspendido o subministro de auga nas rúas Avenida de Laza (dende o Nº148 ata o Nº176), Rúa da Touza e Souto Laranxo.  O servizo será reposto ao longo da mañá no menor tempo posible.

Este corte ven ocasionado polas obras, realizadas por EMI-Alvarez na Avenida de Laza, para a instalación da nova tubería xeral de abastecemento e enganches de acometidas. Asimesmo, informamos de que este será o derradeiro corte por  estas obras municipais e de que se colocarán carteis informativos nas vivendas afectadas.

Desculpen as molestias 

O vindeiro venres 15 de xuño, ás 18 horas, a Biblioteca Pública Municipal de Verín acolle o contacontos "Raposadas", con Raquel Queizás.

Trátase dunha colleita de contos populares da nosa terra, dos que alimentaron, alimentan e alimentarán a moitas nenas e nenos galegos.

A autora, con estos relatos, pretende axudar a coñecer a contorna natural e familiar que nos fai pobo a través da nosa lingua, os nosos contos, as nosas adiviñas, os nosos xogos e as nosas cancións. Para esto, creou a figura dunha raposa moi lista e curiosa á que lle gusta achegarse á aldea para ver xogar aos nenos e as nenas, visitar a outros animais e escoitar as historias que se narran nas lareiras.

A actividade vai dirixida a un máximo de 40 socios da biblioteca con idades comprendidas entre os 3 e os 9 anos. Para participar é necesario inscribirse no teléfono 988413624 ou no email Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo