Concello de Verín

Hoxe, 31 de xullo, celebrouse a presentación oficial do Campamento Urbano de AEVER 2018 que terá lugar os próximos días 21, 22. 23, 24 de agosto, de 18:00 a 21:00 horas, en Verín. O acto celebrouse na sede de AEVER e contou coa presenza de Diego Lourenzo,  tenente de alcalde de Verín e concelleiro de Mocidade; Santos Álvarez,  presidente de AEVER e Jose Ángel Rodicio, xerente da asociación.

A Batucada 2018 comeza o próximo venres, ás 11:00 horas, co “Desfile da Ludoteca Especial Batucada” no que os cativos e as cativas lucirán os seus traxes polas rúas de Verín. Nesta ocasión optouse pola temática das profesións buscando traballar pola igualdade entre homes e mulleres á hora de elexir a súa actividade laboral. Deste xeito, os cativos disfrazaránse de pintores/as, médicos/as, pilotos/as, gondoleros/as e bombeiros/as.  O percorrido comezará  no CEIP Amaro Refojo e irá por Laureano Peláez, Praza do Concello, Praza da Merced, Rúa da Cruz ata a Praza  García Barbón. A mañá terminará coa tradicional “Festa Infantil da Ludoteca”, ás 12:00 horas, no CEIP Amaro Refojo.

Hoxe, 26 de xullo, entre as 11.00 e as 13.00 horas, Verín celebrou o Día do Avó e da Avoa cunha actividade interxeracional na Praia Fluvial da vila. Desde o Departamento de Servizos Sociais (Área de Maiores) quíxose potenciar con esta actividade un espazo de encontro entre nenos e persoas maiores.

A Casa da Cultura de Verín acolle o vinderio venres, 27 de xullo, ás 11.30 horas, a charal coloquio “Seducción vs. Acoso Sexual: Unha pequena liña vermella” organizada pola Mancomunidade de Municipios da Comarca de Verín en colaboración co Concello de Verín.

A partir de hoxe ábrese o prazo de inscrición para as Escolas Deportivas de Fútbol e Fútbol sala do Concello de Verín.

As persoas interesadas en realizar a inscrición deben encher os tres formularios e entregalos no Pavillón Municipal de A Granxa en horario de 10:00 a 13:00 horas e de 18:00 a 22:00 horas.