Concello de Verín

O Parlamento Europeo, a través do seu presidente Martin Schulz,  concedeu o seu patrocinio (recoñecemento que se concede nun número moi limitado de ocasións e a entidades sen ánimo de lucro) á Biblioteca Municipal de Verín,  grazas ao seu proxecto de voluntariado cultural. Para o Parlamento Europeo, este patrocinio é unha maneira de asociarse a un determinado acto ou proxecto proporcionando o seu apoio moral e ao mesmo tempo a súa imaxe de institución europea.

O Concello de Verín, a través da concellería de Festexos, atópase dando os primeiros pasos para organizar o Entroido do próximo ano 2017. Para realizar un deseño colaborativo destes festexos, o ente municipal convoca á todos/as aqueles/as cidadáns/as interesados/as en participar na organización do Entroido a unha reunión que se celebrará este venres 21 de outubro, ás 20:00 horas, no Salón de Actos da Casa da Cultura verinesa.

Mais de  200 escolares  visitarán Verín, ao longo de varias xornadas, a través da iniciativa de dinamización turística “Coñece Ourense”, na que colabora o concello a través da Oficina de Turismo de Verín, co obxectivo de  dar a coñecer os recursos endóxenos do destino  e converter os nosos pequenos en prescriptores da provincia de Ourense.

Esta mañá, ás 11:00 horas, a sala de xuntas do Concello de Verín, acolleu unha reunión informativa na que Manuel Alfonso Araújo, Presidente da Agrupación de Voluntarios de Protección Civil de Verín e Cándida Couñago, Concelleira de Tráfico, Seguridade Cidadá e Protección Civil presentaron seu proxecto educativo “Proteduca” ante representantes dos centros educativos da comarca.

O vindeiro venres 14 de outubro, de 18:00 a 19.30 horas, a Biblioteca Pública Municipal de Verín organiza a iniciativa “Espantallos”, no marco da programación de actividades destinadas ao fomento da lectura e dinamización da instalación municipal.