Concello de Verín

Esta mañá, os concelleiros de Turismo (Purificación Caldelas),  Medio Ambiente (Elías Taboada), Seguridade Cidadá e Protección Civil (Cándida Couñago) e Servizos Públicos (Xulio Viéitez) acudiron á Praza García Barbón, xunto co xestor da empresa  SANIOR (Sanitarios portátiles ecolóxicos), para decidir a localización dos 12 sanitarios, entre os que se inclúe un para persoas con mobilidade reducida, que se instalarán na próxima edición do entroido de Verín.

Maña mércores 13, ás 20:30 horas, a Igrexa dos Mercedarios acollerá o concerto do artista ruso Alexander Anistratov, que organiza o Concello de Verín.

O Concello de Verín abre hoxe, luns 11, o prazo de inscrición para as carrozas e comparsas que desexen participar no desfile do Entroido deste ano. O prazo de inscricións ten como data tope o xoves 4 de febreiro ás 18:00 horas.

O vindeiro 15 de xaneiro, ás 20:00 horas, a sala de exposicións de Verín acolle a inauguración da mostra As cores do Jazz, organizada polos artistas Xosé Rivada e Iria Blanco coa colaboración do Concello de Verín.

O próximo 14 de xaneiro, Adolfo Taboada Sanz, avogado xubilado e un dos maiores expertos en Heráldica de Galicia, impartira no salón de actos da Casa da Cultura de Verín a conferencia “Introducción a la Heráldica. La Heráldica de Verín”, organizada pola  Sociedade de Ciencias Aranzadi e o Colectivo A Ermida coa colaboración da Biblioteca Pública Municipal do Concello de Verín.