Concello de Verín

O Concello de Verín comunícalles que o Centro de Control de conca (CECU) da Confederación Hidrográfica do Douro detectou que, nas últimas horas, as estacións de alerta do Sistema Automático de Información Hidrolóxica (SAIH) rexistran uns niveis significamente altos e unha evolución que fai previsible situacións significativas de crecida. A estación “Rio Támega-Rabal” rexistra un nivel actual de 2,47 metros, sendo o nivel limiar de alarma de 2,75 metros.

Onte, ás 18:00 horas, o presidente da Asociación de Comerciantes de Verín (Aever), Santos Álvarez,  o xerente do colectivo, José Ángel Rodicio, e as concelleiras de Turismo, Purificación Caldelas, e Cultura, Emilia Somoza, fixeron entrega do premio de 1000 € correspondente á promoción “Este Nadal merca en Verín” a Gloria Castro Fariñas.

Ademais do dispositivo especial de seguridade, a Concellería de Tráfico, Seguridade Cidadá e Protección Civil do Concello de Verín tamén valorou a posibilidade de que a cabalgata se desenvolva en condicións meteorolóxicas adversas. No caso de que as choivas sexan de carácter leve, a intención é mantela. Polo contrario, se se confirma a chegada dun temporal con ventos e precipitacións fortes, a organización optará por suspender a cabalgata.

 En calquera dos casos, manterase a apertura de portas do Pavillón Municipal de Deportes, ás 17:10 horas, para celebrar a tradicional Gala de Reis ás 18:00 horas.

Mañá xoves 31 de decembro,  os nenos e nenas de Verín, a partir das 10:00 horas, poderán despedir o ano celebrando un divertido Cotillón Infantil no Pavillón Municipal de Deportes. Os/as menores gozarán con música de Nadal, doces, maquillaxe de festa e gominolas, e cando cheguen ás 12:00 horas, badaladas para despedir o ano 2015.

Esta mañá tivo lugar unha reunión técnica enfocada a coordinar os diferentes equipos que interveñen no dispositivo de seguridade especial para a Cabalgata e a Gala dos Reis Magos, que terá lugar en Verín o día 5 de xaneiro.