Concello de Verín

Desde Desenvolvemento Local do Concello de Verín infórmase da publicación da ORDE do 28 de decembro de 2015 pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, con cargo ao programa operativo FSE Galicia 2014-2020, e se procede á súa convocatoria para o ano 2016.

Co fin de continuar coa liña en materia de seguridade e autoprotección en eventos que conten cunha gran afluencia de público asistente, a Concellería  de Seguridade Cidadá, tráfico e Protección Civil do Concello de Verín preparou un dispositivo de seguridade especial para a Cabalgata e Gala dos Reis Magos, que terá lugar o 05 de xaneiro.

O vindeiro mércores 30 de decembro, ás 20.00 h, preséntase no salón de actos da Casa da Cultura  de Verín a última novela de Xosé Carlos Caneiro, “Y solitario bajo el cielo como siempre estoy yo”, baixo o amparo da editorial Trifolium. Na presentación , que estará presidida polo alcalde de Verín, Gerardo Seoane, participarán os xornalistas Juan Tallón (O País) e Xosé Manuel Rubín (Voz de Galicia), e o autor dá novela Xosé Carlos Caneiro.

O vindeiro martes 29 de decembro, ás 20.00 h, os arqueólogos Eduardo Breogán Nieto e Alberte Reboreda Carreira (Breogán Arqueoloxía) impartirán, no salón de actos da Casa da Cultura  de Verín, a conferencia “A vila romana do Bouzadoiro Cabreiroá. Verín”.

Esta maña, o Presidente da Cámara de Comercio e Industria de Ourense, Juan Carlos Parada Rúa, o alcalde de Verín, Gerardo Seoane, e a concelleira de Turismo, Purificación Caldelas, entregaron, na casa consistorial, os premios do Concurso de Escaparates de Nadal de Verín.