Concello de Verín

Dende o luns 21 de decembro e ata o 05 de xaneiro, o Concello de Verín e a Asociación de Empresarios de Verín (AEVER-CCU Verín) promoven a oitava edición de 'Ludonadal', unha ludoteca destinada a estas datas e dirixida a nenos/as con idades comprendidas entre os 3 e 10 anos, co obxecto de promocionar económicamente o comercio tradicional na localidade, facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal.

Esta maña, a concelleira da área de Cultura, Emilia Somoza, e a concelleira da área de Turismo, Purificación Caldelas, presentaron ante os medios, na casa consistorial, a seguinte programación cultural e festiva no municipio para as festas de Nadal 2015- Reis 2016:

O vindeiro venres 18 de decembro, a compositora e pedagoga Susa Herrera, visitará a nosa Biblioteca para presentar o seu último traballo, titulado “En Cabárceno se sigue cantando”.

“Lembranzas do entroido”, de Andrés Cid Blanco, faise co primeiro premio do Concurso do cartel do Entroido 2016 converténdose así na imaxe desta festa para o próximo ano.

As asociacións de Comerciantes e Hostaleiros xunto co Concello de Verín presentaron o xoves día 10 de decembro o que será unha das principais atraccións de Nadal no municipio, unha pista de xeo sintético que estará disponible durante dez días a partir do 18 de decembro.