Concello de Verín

Nanda Couñago, directora da ONGD Amarante Setem, visita as redes sociais do Fondo Galego de Cooperación e Solidariedade para falar sobre as alternativas existentes ao actual sistema de consumo internacional, a través da promoción de certas prácticas baseadas no comercio xusto ou a compra pública responsable, a denuncia de modelos produtivos globalizados ou o apoio a plataformas en pro da xustiza social, entre outras cuestións.

O xoves 27 de novembro, ás 19.30 horas, a Biblioteca Pública Municipal de Verín acollerá a presentación do 'Anuario Fol de Veleno nº4', a cargo de Rafa Quintía Pereira e Miguel Losada García, presidente e secretario da Sociedade Antropolóxica Galega (SAGA).

Desde o departamento de Desenvolvemento Local do Concello de Verín infórmase da publicación da Orde IET/2200/2014, do 20 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur Internacionalización no marco do Plan Nacional Integral de Turismo.

O vindeiro venres 28 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos dos Dinosaurios', no marco da programación de actividades destinadas ao fomento da lectura e dinamización da instalación municipal.

Verín acolle ao longo desta semana un 'Ciclo de Cine con Fondo' sobre as desigualdades de xénero, no marco da programación polo Día internacional para a eliminación da violencia contra as mulleres, que se conmemora mañá martes 25 de novembro.