Concello de Verín

O salón de plenos do Concello de Verín acolleu na mañá de hoxe a presentación de trece rutas cicloturísticas na comarca de Verín-Monterrei, realizada por Antonio Augarón Turrientes, delegado de Turismo da Xunta en Ourense, Juan Manuel Jiménez Morán, alcalde de Verín e presidente da comisión de seguimento do PCT Puertas de Galicia, e Ignacio Fernández Dosil, xerente do PCT Puertas de Galicia.

O vindeiro 13 de novembro, de 08.30 a 14 horas, a Casa da Cultura de Verín acollerá a 'Xornada de Boas Prácticas no Marketing do Viño', organizado pola Estación de Viticultura e Enoloxía de Galicia (Evega), coa colaboración do Concello de Verín, PCT Puertas de Galicia, D.O. Monterrei e Instituto Galego de Calidade Alimentaria, entre outras entidades.

O Club de Atletismo do EDC Verín iniciou a tempada 2014-2015 do mesmo xeito que finalizou a anterior. Se fai unha semana foi o club que máis medallas acadaba na carreira de A Carballeira, en Ourense, este domingo os/as atletas conseguiron un total de 22 medallas na primeira edición da Carreira Popular de Monterrei.

O vindeiro venres 07 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos para os días de choiva', no marco da programación de actividades destinadas ao fomento da lectura e dinamización da instalación municipal.

O delegado territorial da Xunta en Ourense, Rogelio Martínez, o presidente de Aever-CCU Verín, José Ángel Rodicio, e o alcalde de Verín, Juan Manuel Jiménez, presentaron hoxe en Verín a campaña de dinamización comercial Centros Comerciais Abertos. Máis que comercio!, que se desenvolverá en novembro no centro comercial urbano da localidade, e que busca impulsar as vendas do comercio de proximidade premiando a confianza dos seus clientes.