Concello de Verín

O departamento de Servizos Sociais do Concello de Verín, en colaboración coa asociación Solidariedade Galega co Pobo Saharauí, participa no programa de acollida temporal 'Vacacións en Paz', que se desenvolve durante os meses de xullo e agosto.

A sede da Eurocidade acolleu unha reunión de traballo entre representantes da Consellería de Sanidade e Servizo Galego de Saúde (SERGAS), da Administração Regional de Saúde do Norte (ARS-N) e os alcaldes de Verín e Chaves, Juan Manuel Jiménez e António Cabeleira respectivamente, co obxecto de analizar os traballos realizados ata o momento pola consultora PWC no ámbito sanitario da Eurocidade.

Dende mañá sábado 08 e ata o día 29 de novembro, a Sala de Exposicións de Verín acolle a mostra colectiva 'Galicia e galegos', presentada pola Asociación Fotográfica “O Potiños” para o Outono Fotográfico 2014.

A Biblioteca Pública Municipal de Verín, coa colaboración do historiador e escritor Bruno Rúa, promoveu a terceira edición do concurso 'Busca do patrimonio na Biblioteca', co obxecto de divulgar o coñecemento da riqueza patrimonial da nosa comarca entre o público infantil e xuvenil, que foi vencido por Miguel Pérez Parada (11 anos).

O alcalde de Verín, Juan Manuel Jiménez, e a concelleira de Benestar Social, Inmaculada Hervella, recibirán mañá en Guadalaxara un dos galardóns do VII Certame de Boas Prácticas, Dereitos da Infancia e Política Municipal de UNICEF concedido ao programa 'Kero-Kolo' do Concello de Verín.