Concello de Verín

O xoves día 12 o Conservatorio Elemental de Música de Verín pecha o prazo para a admisión de alumnado que queira comezar os estudos oficiais de música. A admisión, por esixencias lexislativas, é exclusivamente para nenos nacidos entre os anos 2006 e 2000, ambos os dous  incluídos. Os inscritos terán que pasar por unha proba de acceso que se celebrará o día 16 xuño. Para esa proba non son necesarios coñecementos de linguaxe musical nin de práctica instrumental, xa que  consistirá exclusivamente en exercicios de discriminación e memoria rítmica e tonal. Os trámites para participar na proba de acceso fanse na Casa do Concello (Negociado de Cultura) cubrindo un formulario gratuíto.

A sede da Eurocidade Chaves-Verín foi testemuña do acto de clausura das xornadas “Cooperación transfronteiriza en materia de emerxencias: colaboración e coordinación entre os organismos intervinientes”, que desde o pasado mércores 04 de xuño se desenvolveron neste espazo e ás que asistiron máis de cincuenta participantes procedentes de Galicia, Castela-León e Norte de Portugal.

Máis de 150 persoas dos municipios de Chaves e Verín participaron na 8ª Andaina da Eurocidade Chaves-Verín AECT 'Ruta dos Santuarios'. Esta ruta contemplou a visita ao Santuário de N.ª Sr.ª das Necessidades e do Engaranho, en Castelões, ao de N.ª Sr.ª da Aparecida, en Calvão, finalizando no de S. Caetano, cunha convivencia entre todos os participantes, organizada en conxunto pola Junta de Freguesia de Ervededo.

Durante o mes de xuño (mes da nube), a aula Multimedia do Concello de Verín ofertará dez novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.

O vindeiro sábado 07 de xuño, nas pistas de Balaídos (Vigo) terá lugar o Campionato Galego en Pista, no que estarán presentes seis deportistas pertencentes ao EDC Verín Atletismo.