Concello de Verín

As clases maxistrais de fotografía social impartidas por Gabriel Tizón e promovidas polo Fondo Galego de Cooperación e Solidariedade nos seus concellos socios estréanse esta semana na Coruña e Ferrol. O Centro Cívico ‘Os Mallos’ acolle hoxe a actividade na cidade herculina, mentres que mañá terá lugar na vila ferrolá a partir das 18.30 horas, na Aula de Fotografía situada no Centro Cultural Universitario de Esteiro. A proposta encádrase na segunda edición do concurso Imaxes con Fondo, coa idea de promover a participación e mais a reflexión sobre os contidos das imaxes e o mundo que constrúen.

O EDC Verín Atletismo logrou que 17 dos/as seus/súas atletas se clasificaran para o Campionato Provincial de Atletismo en pista, que se celebrará este sábado nas pistas “Josefina Salgado” de Ourense.

Desde Desenvolvemento Local do Concello de Verín infórmase da publicación da orde do 9 de maio de 2014, da Consellería de Traballo e Benestar, pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro para a contratación de axentes de emprego e unidades de apoio, e se procede á convocatoria para o ano 2014.

Desde Desenvolvemento Local do Concello de Verín infórmase da publicación da orde do 7 de maio de 2014, da Consellería de Traballo e Benestar,  pola que se establecen as bases que regulan as axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro e se procede á convocatoria para o ano 2014.

Desde Desenvolvemento Local do Concello de Verín infórmase da publicación da resolución do 14 de maio de 2014, da Secretaría Xeral da Igualdade, pola que se regulan as bases para a concesión das axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo cofinanciadas polo Fondo Social Europeo (FSE), e se procede á súa convocatoria para o ano 2014.