Concello de Verín

O xoves día 29 de maio, ás 11 horas, no Pavillón dos Deportes de Verín, Hércules Brass Quinteto de Metais presentará o seu espectáculo Os Superhércules. No acto, que está organizado polo Concello de Verín e patrocinado en conxunto coa Consellería de Cultura a través do programa Cultura no Camiño, participarán alumnos/as de primaria de diversos colexios da comarca de Verín.

Desde Desenvolvemento Local do Concello de Verín infórmase da publicación da orde do 14 de maio de 2014, da Consellería de Traballo e Benestar, pola que se establecen as bases reguladoras do Programa para a promoción do emprego autónomo de mozos/as menores de 30 anos, cofinanciado polo Fondo Social Europeo, e se procede á súa convocatoria para o ano 2014.

Desde Desenvolvemento Local do Concello de Verín infórmase da publicación da orde do 14 de maio de 2014, da Consellería de Traballo e Benestar, pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, e se procede á súa convocatoria para o ano 2014.

Na xornada de mañá 27 de maio, a partir das 18 horas, o Pavillón Municipal de Deportes de Verín acollerá a festa de clausura das Escolas Deportivas Municipais (tempada 2013-2014), programada polo Servizo de Deportes.

Dezasete atletas do Club de Atletismo de Verín participaron este pasado sábado no Campionato Provincial de Atletismo en pista, celebrado nas pistas “Josefina Salgado” de Ourense, acadando un total de 13 medallas para o deporte verinense.