Concello de Verín

A Casa da Cultura de Verín acolleu, con motivo da celebración do Día das Letras Galegas, a tradicional Gala Literaria e Musical na que se entregaron os premios do 'Certame de Poesía Xosé Carlos Caneiro Pérez' e do 'Certame de Relato Curto Antonio Fernández Pérez'.

O vindeiro venres 23 de maio, de 18 a 19.30 horas, a Biblioteca Pública Municipal de Verín programa a iniciativa 'O Cempés Bailarín', no marco da programación de actividades destinadas ao fomento da lectura e dinamización da instalación municipal.

Desde Desenvolvemento Local do Concello de Verín infórmase da publicación da orde do 13 de maio de 2014, da Consellería de Cultura, Educación e Ordenación Universitaria, pola que se convocan axudas económicas para o alumnado que realiza formación práctica en centros de traballo.

Desde Desenvolvemento Local do Concello de Verín infórmase da publicación da orde do 30 de abril de 2014, da Consellería de Economía e Industria, pola que se establecen as bases reguladoras para a concesión, en réxime de concorrencia competitiva, das subvencións aos/ás titulares de obradoiros artesanais para o fomento da comercialización da artesanía galega e impulso da competitividade do sector artesán e se procede á súa convocatoria para o ano 2014 (código de procedemento IN201G).

Ás catro e media da tarde, a Casa da Cultura de Verín acollerá a Gala Músico-Literaria das Letras Galegas, acto que organiza o Concello de Verín anualmente o 17 de maio coa colaboración de Supermercados Gadis. Na gala recitaranse os poemas gañadores do Certame de Poesía Xosé Carlos Caneiro Pérez e leranse os traballos que gañaron o Certame de Relato Curto Antonio Fernández Pérez. O Conxunto Instrumental do Conservatorio Elemental de Música de Verín interpretará  músicas de autores galegos.