Concello de Verín

A Escola de Teatro Kotodama, con máis de cinco anos de traxectoria, reabre as súas portas este mes de setembro, mantendo o seu compromiso coa formación teatral de calidade. Baixo a dirección de Santi Cañaveral, a escola ofrece unha experiencia enriquecedora para os seus alumnos, centrada no descubrimento persoal a través da interpretación e a dirección escénica.

O festival presentou esta mañá a programación completa nunha rolda de prensa na que participaron Samanta Barreira, concelleira de Cultura,Turismo, Festexos e Conservatorio; Marcos Vázquez, director de Cultura e Deporte da Deputación de Ourense; e Carlos Montero, director do FIC Vía XIV. O festival bota a andar este xoves coa participación de 26 filmes, de más de 10 nacionalidades diferentes, e cunha completa axenda con máis dunha vintena de actividades paralelas concibidas para todos os públicos. A presentación inaugural e benvida a toda veciñanza, terá lugar na Praza García Barbón ás 22:15h.

O Concello de Verín avanza no seu compromiso coa mellora dos espazos públicos e coa calidade de vida da súa cidadanía a través do proxecto de humanización da contorna do Centro Social de Vilamaior. Esta iniciativa incluíu diferentes intervencións que abarcaron a mellora da cuberta do edificio, a instalación de cantería, a creación de novas cimentacións, e a integración dunha estrutura cuberta acorde coa paisaxe local.

O FIC Vía XIV de Verín proxectará, en colaboración co histórico Cineclub Nosferatu, dous filmes fundamentais para  a hisitoria do cinema universal: Alcanzaron o transbordador (Carl Theodor Dreyer, 1948) e Arrière-saison (Dimitri  Kirsanoff, 1950). Será o sábado, 7 de setembro, ás 18.00h na Casa da Cultura de Verín.