Concello de Verín

Máis de 40 nenos e nenas do Colexio María Inmaculada Verín visitaron hoxe o percorrido expositivo ao aire libre, "Verín territorio Bansky". Esta visita enmárcase na semana cultural que está a celebrar devandito centro educativo en conmemoración do seu 75 aniversario e no que organizan diversas actividades formativas nas áreas de Ciencias, Letras e Artes.

O vindeiro xoves 27 de abril, ás 19:30 horas, A Biblioteca do Concello de Verín acollerá a conferencia “Francisco Fernández del Riego: Galicia no corazón. Letras Galegas 2023”, impartida por Francisco Domínguez e María Dolores Cabrera, padroeiros da Fundación Fermín Penzol.

O Salón de Actos da Casa da Cultura do Concello de Verín acolleu esta maña unha sesión ordinaria na que se abordaron os seguintes puntos:

 1. APROBACIÓN DA ACTA DA SESIÓN EXTRAORDINARIA URXENTE DE DATA 13/04/2023

2. Expediente 1731/2021. APROBACIÓN INICIAL PXOM

3. Expediente 2295/2019. CAMBIO REPRESENTANTE DO CONCELLO NO CONSELLO ESCOLAR DO CONSERVATORIO DE MÚSICA DE VERÍN

4. INFORMACIÓNS E OUTROS ASUNTOS DA PRESIDENCIA

5. DAR CONTA DOS DECRETOS DITADOS POLA ALCALDÍA E POLAS DISTINTAS CONCELLARÍAS DELEGADAS, EN MATERIA DE ADMINISTRACIÓN LOCAL, DENDE O 27/12/2022 ATÉ O 18/04/2023, AMBAS AS DÚAS DATAS INCLUÍDAS

6. ROGOS E PREGUNTAS

O martes 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maios. Este ano, a Praza García Barbón acollerá tamén a súa Feira Solidaria de Verín que contará coa participación de entidades sen ánimo de lucro, que ofrecerán todo tipo de produtos e/ou servizos con fins solidarios. Así o confirmou esta mañá a concelleira da área de Educación, Cultura e Festexos, Emilia Somoza, no Salón de Actos da Casa da Cultura.

O vindeiro sábado 22 de abril, ás 19:00 horas, terá lugar o Concerto de Música Solidaria a favor de Cáritas Verín na Igrexa Parroquial de Santa María a Maior de Verín.