Concello de Verín

 A piscina climatizada do Concello de Verín xa conta  con paneis solares que fornecerán a enerxía eléctrica para tanto para o seu autoconsumo como para a súa climatización. Esta acción é posible grazas ao investimento de 28.849,50 euros dos que 22.118,32 euros son financiados polos fondos comunitarios derivados  do   Feder nun 80 por cento,  sendo o  importe restante de carácter municipal. Desta forma as citadas instalacións pasan a ser autosuficientes no ámbito enerxético.

 O Concello de Verín  vén de rematar a segunda fase de renovación da iluminación pública por luces LED co consecuente aforro e eficiencia enerxética, así como a redución de emisións de gases de efecto invernadoiro. En total substituíronse 1.630 luminarias de iluminación pública correspondentes as luminarias de quince núcleos rurais de Verín (Tamaguelos Tamagos, Pazos, Queizás, Pazos, Mourazos, Mandín, Feces de Abaixo, Cabreiroá, A Rasela, Ábedes, Queirugás, Vilamaior, O Salgueiro e Caldeliñas).

 O Diario Oficial de Galicia (DOG) publicou o pasado 4 de outubro o anuncio da Consellería do Medio Rural polo que se somete ao trámite de información pública o proxecto de construción dunha base de medios aéreos transfronteiriza -no marco do proxecto Interlumes do Programa de Cooperación INTERREG V-A España-Portugal (Poctep)-, nos concellos ourensáns de Verín (Mandín) e Oímbra (Rabal). Cómpre lembrar que para financiar a iniciativa Interlumes, no que ademais da Xunta participan o Goberno portugués e outras institucións de Galicia, Castela e León e Estremadura, prevese un investimento total de máis de 9 millóns de euros.

 Durante os días 11, 12 e 13 de novembro o Cinema Municipal de Verín acolle as proxeccións das películas "Minions, el origen de Gru” e "Viaje al paraíso" no Salón de Actos da Casa da Cultura nos seguintes pases.

 O vindeiro sábado, 12 de novembro, o Concello de Verín celebra un magosto popular na Praza Maior da vila.