Concello de Verín

Desde Desenvolvemento Local do Concello de Verín infórmase da publicación da orde do 15 de outubro de 2013 pola que se modifica o prazo de presentación da licenza municipal de obra e dos diferentes permisos administrativos previstos na Orde do 13 de xuño de 2013 pola que se establecen as bases reguladoras das axudas para a modernización das explotacións agrarias, para a incorporación de mozos á actividade agraria, e para o fomento da utilización de instalacións e equipamentos en común para a mellora dos procesos produtivos en réxime asociativo cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2013.

A Fundación Galicia Europa, en colaboración co IPDJ e a CEG e o apoio do Gabinete Técnico da Eurocidade, organiza os días 14 e 15 de novembro o encontro 'Punto Verde. Unha idea, un proxecto, un plan de negocio verde (do pano da mesa ao plan de negocio), ao abeiro do proxecto Emprende, financiado polo Programa de Cooperación Transfronteiriza Galicia - Norte de Portugal (POCTEP).

O vindeiro xoves 24 de outubro, de 18 a 19.30 horas, a Biblioteca Pública Municipal de Verín programa a iniciativa ‘Día Internacional das Bibliotecas' no marco da programación de actividades destinadas ao fomento da lectura e dinamización da instalación municipal.

Por segundo ano consecutivo, a Eurocidade promove un intercambio cultural transfronteirizo entre as compañías de teatro locais de Chaves e Verín, converténdoo en parte do seu programa de actividades culturais. Así, durante os meses de outubro e novembro  retornará a maxia do teatro aos municipios de Chaves e Verín coa realización do 'III Festival de Teatro Outono/Inverno 2013', en Chaves, e do  'IV Festival de Teatro Entreculturas da Eurocidade', en Verín, nos que participarán formacións amateur dos dous lados da raia.

As consellerías de Traballo e Benestar e Medio Rural e do Mar poñen en marcha un programa pioneiro ambiental centrado na limpeza e na rexeneración dos montes, cuxa inscrición pode realizarse no departamento de Servizos Sociais do Concello de Verín (1º andar da Casa da Xuventude, Avda. de Portugal 11 bis).