Concello de Verín

Unha vintena de concellos socios do Fondo Galego de Cooperación e Solidariedade conmemoran este mes con distintas actividades o Día Internacional para a Erradicación da Pobreza que a ONU fixou para o 17 de outubro. Vilas das catro provincias galegas están a acoller exposicións, contacontos e obradoiros de radio ou consumo responsable arredor desta data para concienciar sobre as desigualdades e promover a loita por un mundo máis xusto.

O autor Luis Manuel García Mañá presentará o venres 18 de outubro, ás 12 horas, o libro sobre o territorio do Couto Mixto na Casa da Cultura de Verín.

Do 28 ao 31 de outubro, na aula 22 da Casa da Xuventude de Verín impartiranse cursos formativos e orientativos dirixidos a desempregados, emprendedores e empresarios, considerados colectivos estratéxicos para o desenvolvemento da comarca.

Desde Desenvolvemento Local do Concello de Verín infórmase da publicación da resolución do 10 de outubro de 2013, da Axencia Galega de Innovación, pola que se establecen as bases reguladoras para a concesión, en réxime de concorrencia non competitiva, das subvencións para o fomento da propiedade industrial no ámbito da Comunidade Autónoma de Galicia (Programa i2C PI), cofinanciadas polo Fondo Europeo de Desenvolvemento Rexional (Feder), no marco do programa operativo Feder Galicia 2007-2013, e se procede á súa convocatoria para o ano 2013 (código de procedemento IN525A).

O venres 18 de outubro, ás 19.30 horas, a Biblioteca Pública Municipal de Verín acollerá a presentación do libro 'Alicornio. O poder do corno de unicornio na medicina tradicional galega', a cargo de Rafa Quintía Pereira e Miguel Losada García.