Concello de Verín

O vindeiro sábado 22 de setembro, “Día Europeo Sen Coches”, a Eurocidade Chaves-Verín organiza a quinta edición da súa andaina popular. Se nas últimas ocasións realizáronse a 'Ruta da Fronteira' -zona fronteiriza de Chaves e Verín-, ou 'Ruta dos Ríos' -entre Vilarello da Raia (Chaves) e Feces de Abaixo (Verín)-, nesta terá lugar a do ‘Ruta polo Camiño Portugués Interior de Santiago – Vidago/Chaves’, destinada a incentivar a importancia histórica, turística e ambiental desta zona de ambos municipios e estreitar lazos de unión entre españois e portugueses.

O próximo fin de semana terá lugar na Eurocidade Chaves-Verín a VII edición da Feira Medieval na que Chaves recrea os episodios do casamento entre o rei portugués Afonso III e a infanta do reino de Castela, Dona Beatriz, filla de Afonso X, que tivo lugar en Chaves en 1253.

O vindeiro domingo 16 de setembro terá lugar a VIII Maratón BTT ‘Rota do Presunto’, organizada polo BTT Club de Chaves e enmarcada dentro do proxecto de cooperación transfronteiriza da Eurocidade Chaves-Verín. Esta proba foi presentada esta mañá na sede da Eurocidade Chaves-Verín polo vicepresidente da Câmara de Chaves, António Cabeleira, o concelleiro de Deportes, Festexos e Mocidade, Víctor Baladrón, e polo presidente do BTT Club de Chaves, Mário Barrocas.

Os días 8 e 9 de setembro terá lugar nas terras da Eurocidade Chaves-Verín unha nova edición da Viaxe Medieval. A sétima edición deste evento remontarase ao ano 1253 e recreará episodios do casamento de Don Afonso III con Dona Beatriz.

Durante esta última semana, un total de 220 nenos/as visitaron a exposición itinerante 'Galicia, biodiversidade', promovida pola Xunta de Galicia e a Obra Social 'La Caixa'.