Concello de Verín

O pasado domingo 15 de abril tivo lugar o inicio do 4º Torneo de Fútbol Sala  Inter-Freguesias/Pobos Eurocidade Chaves-Verín. Os resultados da primeira xornada foron os seguintes:

O luns 23 de abril, de 18 a 19.30 horas, a Biblioteca Pública Municipal de Verín organiza unha iniciativa de contacontos e manualidades relacionadas co Día do Libro, no marco da programación de actividades destinadas ao fomento da lectura e dinamización da instalación municipal.

Ata o vindeiro 10 de maio, a sede da Eurocidade Chaves-Verín (na antiga aduana de Feces de Abaixo -Verín-) acolle unha exposición colectiva de 24 artistas do Norte de Portugal e de Galicia, promovida polo Instituto Português do Desporto e Juventude.

Desde Desenvolvemento Local do Concello de Verín infórmase do establecemento das bases reguladoras para a concesión, en réxime de concorrencia competitiva, das subvencións para investimentos innovadores para o crecemento empresarial no ámbito da Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder), no marco do Programa Operativo Feder Galicia 2007-2013, e se procede á súa convocatoria para o ano 2012 (código de procedemento IN848A).

A aula Multimedia do Concello de Verín programa novos cursos de informática durante este mes de abril, que terán lugar na Aula CeMIT da Casa da Xuventude de Verín.