Concello de Verín

O sábado 24 de marzo, a partir das 11 horas, o Pavillón Municipal de Deportes de Verín acollerá a realización da quinta edición do concurso Cigarrón de Verín, co fin de converterse nun referente gastronómico e relanzar os produtos e viños da comarca de Monterrei.

Na xornada de hoxe corenta alumnos/as de primaria do CEIP de Oímbra visitaron a Biblioteca Pública Municipal de Verín, dentro do programa de actividades organizadas ao longo do curso escolar por esta instalación.

A Oficina Transfronteiriza de Información Xuvenil da Eurocidade Chaves-Verín, e a Dirección Xeral de Xuventude e Voluntariado da Consellería de Traballo e Benestar da Xunta de Galicia promoven a realización de dous cursos de lingua portuguesa: portugués técnico (dirixido ao emprego nos ámbitos do turismo e a hostalería) e conversa de lingua portuguesa.

O venres 09 de marzo, de 18 a 19.30 horas, a Biblioteca Pública Municipal de Verín programa a iniciativa 'Contos da Rana Gustavo', no marco da programación de actividades destinadas ao fomento da lectura e dinamización da instalación municipal.

Desde Desenvolvemento Local do Concello de Verín infórmase da publicación dos seguintes cursos da Academia Galega de Seguridade Pública: prevención e loita contra incendios urbanos e forestais, básico de protección civil, práctico na loita contra incendios, accidentes na estrada, intervención psicolóxica en emerxencias e catástrofes, intervención en emerxencias en torres eólicas, condución de vehículos todoterreo, busca e salvamento en montaña e zonas illadas.