Concello de Verín

Mañá día 26 a Ruta do Viño Monterrei en colaboración con Turgalicia e a Oficina de información turística do Concello de Verín organizará unha Xornada de Portas Abertas na que participasen 11 adegas, que ofrecerán unha visita guiada acompañada dunha degustación de viño de Monterrei totalmente gratuíta.

O Concello de Verín organiza, por sexto ano consecutivo, a Xornada de Deporte e Saúde co fin de desenvolver políticas activas para mellorar a calidade de vida dos veciños e veciñas, promovendo a saúde a través dunha alimentación saudable e a práctica de actividade física regular. Esta iniciativa, na que tamén colaboran Municipio de Chaves, Eurocidade Chaves-Verín, Cabreiroá, Saudeter e HortoVerín, terá lugar o vindeiro 2 de xuño, de 9.30 a 20.30 horas.

Na xornada de onte 24 de maio, a Eurocidade Chaves-Verín participou no Encontro de Investigación “Fronteira, comunicación e desenvolvemento”, organizado pola Rede Europea América Latina de Comunicación e Desenvolvemento (Rede Real Code) na biblioteca municipal de Valença do Minho.

O alcalde de Verín, Juan Manuel Jiménez Morán, e José María Goicoa García, director da Fundación Celta de Vigo, asinaron esta mañá un convenio conxunto para desenvolver un campus de verán do 2 ao 7 de xullo en Verín.

A sede da Eurocidade Chaves-Verín acollerá mañá venres, ás 19 horas, a presentación do primeiro número da revista Fórum Galaico-Transmontano e do libro “Quem me dera naqueles montes…” de António Mosca, organizado por este Fórum en colaboración coa Eurocidade Chaves-Verín, Município de Chaves e Concello de Verín.