Concello de Verín

A piscina climatizada municipal de Verín abrirá as súas portas con carácter xeral o luns 14 de setembro co seu consecuente protocolo sanitario de protección fronte ao covid-19. Entre as medidas figura a obrigatoriedade de reservar cita previa,  preferentemento por teléfono (988 41 41 84), aínda que tamén se pode realizar presencialmente.

 Miguel Ángel Prieto Sotelo tense convertido, por méritos propios, nunha das personaxes máis singulares do Entroido de Verín. Por este motivo, foi o encargado de pronunciar o pregón da gran festa da vila do Támega, no Domingo de Corredoira 2020. Para reforzar o seu vínculo co Entroido, que é un dos eixos temáticos do FIC Vía XIV, a organización do certame vai programar unha actividade paralela protagonizada pola desternillante persoaxe creada por Prieto Sotelo: Frei Chitín.

Nicandra, unha firma de moda especializada no sector nupcial con sede en Verín, vén de doar á organización do FIC Vía XIV un total de 130 máscaras faciais para que poidan ser utilizadas polos asistentes ás diferentes actividades e proxeccións que albergue o certame. O director do Festival, Carlos Montero, agradeceu o xesto da que “hoxe por hoxe é un das empresas emblemáticas e máis dinámicas de Verín, cunha clara vocación solidaria amosada durante o confinamento”.

 O prolífico actor galego Luis Zahera, con ampla experiencia en cinema, televisión e teatro e gañador dun Premio Goya ao Mellor Actor de Reparto en 2018 por El Reino, desprazarase ata Verín o vindeiro 11 de setembro para ser homenaxeado pola organización do FIC Vía XIV. Deste xeito, Zahera recolle a testemuña de Mabel Rivera, a actriz que foi recoñecida na anterior edición do certame.

 Os nenos e nenas da ludoteca de Verín continúan gozando dunha completa axenda de actividades variadas, sempre cumprindo con todas as medidas de seguridade estipuladas para previr a propagación do virus da COVID-19 (xeles hidroalcohólicos, uso da máscara, a disposición de alfombras desinfectantes e a comprobación da temperatura tanto á entrada como á saída).