Concello de Verín

Intensa mañá económica no Concello de  Verín. Tras comezar a sesión gardando un minuto de silencio en recordo a todos os falecidos durante a pandemia da covid-19, o pleno municipal aprobou o orzamento para 2020 por importe de case 14 millóns de euros, cunhas inversións directas de 3.420.713,14 euros, o que triplica a cifra do ano anterior. Ademais, ao termo do pleno, o grupo de goberno deu conta do “Plan de Acción de Estímulos Económicos para Verín 2020-2021” que contempla o desembarco de 21 millóns de euros en inversións para a vila, “unha importante  inxección no tecido produtivo de Verín para superar a crise do coronavirus”, e que prevé crear 150 empregos directos.

Velaquí están as coplas elaboradas este ano, con fins solidarios, polos dez colectivos participantes . Esperamos que vos gusten.

A deseñadora Olalla Diéguez Boo é a autora do cartel ilustrador da quinta edición do FIC Vía XIV de Verín, que se celebrará na vila do Támega entre o 5 e o 13 de setembro deste ano. A idea creativa arredor da que se asenta o cartel toma coma eixo temático a ciencia-ficción. Así, a autora presenta unha nave espacial que abduce algúns dos edificios máis representativos de Verín, perfectamente recoñecibles no deseño, coma metáfora do poder da sétima arte, que envolve a vila durante os días que dura o certame.

O vindeiro 1 de maio, ás 00:01 horas, publicaremos simultaneamente na nosa web e redes sociais as coplas dos “Maios Solidarios”, adaptadas e optimizadas para a súa lectura e difusión a través de internet e dispositivos móbiles.

Segundo confirmou esta mañá a concelleira da área de Educación Cultura e Festexos, Emilia Somoza, son dez os colectivos que xa están a traballar na elaboración das tradicionais coplas dos Maios, superando así o número de participantes con respecto ao ano pasado.