Concello de Verín

Esta mañá, o director galego de cinema, Ignacio Vilar, visitou o aparcamento público gratuíto onde se instalará o próximo 21 de xuño o autocine no que se estreará o seu filme “María  Solinha. Fíxoo acompañado do seu equipo técnico, do alcalde de Verín, Gerardo Seoane e de Begoña Vázquez, en representación da Asociación de Hostaleiros da Comarca de Monterrei (Aehcom).

O Fondo Galego de Cooperación e Solidariedade está a impulsar cinco proxectos para frear o impacto do coroavirus en Mozambique e Guinea-Bissau. Na semana en que se conmemora o Día de África, a asociación de concellos e deputacións vén de darlle luz verde ao investimento de 98.126 euros na loita contra a pandemia, dos que 27.000 corresponden a achegas extraordinarias de dous dos seus socios, os concellos de Cambre e Narón.

A Agrupación Europea de Cooperación Territorial (AECT)  Eurociudad  Chaves-Verín, é unha entidade que agrupa os municipios de  Verin en España e  Chaves en Portugal, vai representar ao Programa de cooperación transfronteiriza Interreg España-Portugal (POCTEP) 2014-2020 no aniversario dos 30 anos da iniciativa INTERREG.

Gerardo Seoane Fidalgo, alcalde do Concello de Verín, e o presidente da Agrupación de Voluntarios de Protección Civil de Verín, Manuel Alfonso Araujo, asinaron esta mañá o convenio de colaboración entre  as dúas entidades para o mantemento da operatividade e prestación de servizos da agrupación no ano 2020.

 A corporación municipal de Verín reuniuse hoxe na Casa da Cultura de Verín para celebrar a súa  segunda sesión plenaria adaptada ás novas medidas de prevención de contaxios pola Covid-19. No pleno aprobouse por unanimidade un primeiro paquete de medidas fiscais, en forma de supresión de pago de taxas, destinado a paliar os efectos económicos da pandemia sobre empresas e autónomos.