Concello de Verín

 O vindeiro 28 de decembro, ás 20.00 horas, o Auditorio Municipal de Verín acollerá o evento “Mesa Redonda: Covid-19 e cultura en Verín”. Trátase dunha reunión entre os axentes culturais da comarca de Verín co fin de establecer un diálogo sobre os camiños a seguir tras a COVID-19. A actividade xorde das mans de Farlopa.Fanzine e conta coa colaboración de Akasha Laboratorio Audiovisual e co apoio do Concello de Verín.

A  Eurocidade  Chaves-Verín, organizou o día 19 unha xornada virtual de creatividade denominada  "Fronteira de Oportunidades" na que os participantes expuxeron conxuntamente novas solucións empresariais transfronteirizas en sectores como o turismo, o comercio e a hostalería.

Hoxe, ás 21:00 horas, estrearase o novo vídeo promocional do Concello de Verín realizado coa finalidade de incentivar o consumo local e reactivar unha economía mermada polos efectos da Covid-19.

A día de hoxe, venres 18 de decembro, a cifra de casos activos por COVID-19 no Concello de Verín é de 30.

 O Concello de Verín presentou esta mañá a súa programación de Nadal, este ano condicionada pola actual situación sanitaria, pero cuns claros obxectivos, recuperar unha “cultura segura” e potenciar o consumo no comercio local, sempre mantendo as pertinentes medidas de seguridade.