Concello de Verín

A Asociación de Empresarios de Verín (AEVER) colabora xunto con KTORCE e o Concello de Verín cun sorteo de 5 entradas dobres para o monólogo «Yo, Mussolini» de Leo Bassi, que terá lugar o vindeiro 14 de decembro, ás 20:00 horas, no Auditorio Municipal de Verín.

O Concello de Verín vén de anunciar a creación dunha nova gardería pública para nenos de 0 a 3 anos, que ademais será xestionada directamente polo propio municipio. Este proxecto será posible grazas a unha subvención de 710.821,10 euros concedida pola Consellería de Política Social e Xuventude da Xunta de Galicia – a través dos fondos europeos Next Generation, para a creación de devandito centro. A iniciativa permitirá atender unha demanda histórica das familias do municipio, ampliando e mellorando os servizos públicos esenciais.

O vindeiro sábado, 23 de novembro, ás 19:00 horas, o Auditorio Municipal de Verín acollerá a V Gala da Igualdade, un evento que combina cultura, música e compromiso cos valores da xustiza, igualdade, non violencia e inclusión. Este ano, a gala rende homenaxe a Santa Icía, patrona da música e das persoas dedicadas a esta arte, nunha celebración aberta a toda a cidadanía con entrada gratuíta.

Tras aprobar a acta da anterior sesión, o alcalde en funcións, Diego Lourenzo Moura, someteu a votación a modificación de Créditos 13/2024. Ante a existencia de necesidades financeiras en áreas específicas que non poden ser adiadas ao seguinte exercicio, a modificación aprobouse con 11 votos a favor (6 PSdeG-PSOE e 5 BNG) e 3 votos en contra do Partido Popular- mediante un suplemento financiado a través de baixas en partidas orzamentarias que non se utilizarán na súa totalidade en 2024.

A Asociación de Comerciantes de Verín (AEVER) presentou hoxe a quinta edición da campaña de fidelización “Os 6.000 de Verín”, destinada a fomentar a actividade comercial na vila durante a campaña de Nadal. No acto de presentación, celebrado na sede de AEVER, participaron o presidente da asociación, Santos Álvarez; o xerente, José Ángel Rodicio; e a concelleira de Comercio do Concello de Verín, Isabel González.