Concello de Verín

O vindeiro 20 de xullo a Eurocidade Chaves-Verín acollerá a celebración da actividade “ Un día ao redor da música” que se celebrará no local de ensaios da Oficina Transfronteiriza de Información Xuvenil da Eurocidade Chaves-Verin (Avda. Portugal, Feces de Abaixo - antigo edificio aduaneiro).

Dita iniciativa ven organizada pola Dirección Xeral de Xuventude da Xunta de Galicia, no ámbito do proxecto Eurocidade_2020. Esta acción ten como obxectivo consolidar a Eurocidade Chaves-Verín como ferramenta de integración Europea e de desenvolvemento sostible, neste caso, reunindo a mozos e mozas nunha tarde na que a música será a protagonista.

A Ludoteca de Verán e o Campamento Urbano do Concello de Verín programan unha serie de xornadas ateigadas de actividades para os máis novos que terán lugar entre os días 18 e 30 de xullo. Un dos actos principais destes días será o desfile de “Ludobatucada”que este ano xirará entorno á temática “dos heroes e das heroínas”.

A Federación Nacional de Asociacións Xuvenís de Portugal (FNAJ) celebrará os días 26 e 27 de xullo as Xornadas da Xuventude da Eurocidade Chaves-Verín. Esta actividade reunirá na cidade de Chaves a entre 50 e 70 membros de asociacións xuvenís do Norte de Portugal e de Galicia.

O Instituto Portugués do Deporte e da Xuventude (IPDJ) - Dirección Rexional do Norte, no marco do proxecto Eurocidade 2020, aprobado polo programa INTERREG V-A España 2014-2020, fomentará a realización do curso de conversa de lingua española impartido pola Asociación Empresarial Alto Támega (ACISAT).

A décimo cuarta edición da  Feira  do Viño de Monterrei xa conta con cartel anunciador. A proposta seleccionada pertence a Rubén Lucas García, e foi elixida entre un total de 43 traballos presentados ao concurso impulsado polo  C. R.D.O. Monterrei.