Concello de Verín

A III edición do Festival Internacional de Curtas de Verín (FIC Vía XIV), celebrada o pasado decembro, acadou unha audiencia global de 34.332.100 de persoas grazas ás 126 informacións publicadas en diferentes medios de índole local, provincial, autonómica e, mesmo, nacional. Así se desprende dun informe encargado pola Dirección do Festival á empresa Kantar Media, que valora estes impactos en 330.340 euros.

A Federación Nacional de Asociacións Xuvenís de Portugal (FNAJ), en colaboración coa Eurocidade Chaves-Verín, AECT, celebrará o próximo dia 13 de xullo, na sede de Eurocidade, antigo edificio aduaneiro español en Feces de Abaixo una formación en emprendemento en zonas rurais. Esta acción desenvólvese no marco do proxecto EUROCIDADE 2020, aprobado polo Programa INTERREG V-A España-Portugal (POCTEP) 2014-2020, co cofinanciamento FEDER.

Desde maña martes 9 de xullo e até o día 2 de agosto, a Sala de Exposicións de Verín acolle unha exposición de obras de Lorena Quintas Rejo, artista ourensá que padece unha discapacidade funcional visual total. Galicia en fíos poderase visitar de luns a venres das 17 ás 20 horas, sendo a inauguración oficial mañá as 12:00 horas.

A partir do 15 de xullo, o novo centro de día do Concello de Verín Raiolaofrecerá dous novos e importantes servizos externos. Aproveitando instalación anexas as actuais, ofrecerá a posibilidade de que todas aquelas persoas con rendas baixas e que así o acrediten perante a oficina dos Servizos Sociais de Verín poidan acceder ao comedor social para xantar ou cear a un prezo máximo de 6 euros. Así mesmo, tamén estará a dispor de toda a cidadanía un completo e económico servizo de lavandería.

A vila de Verín acolle mañá sábado, ás 16:30 horas, o desfile de camións engalanados máis importante de Galicia, segundo os seus organizadores, os socios da asociación Agrutransve, que aglutina aos máis dun cento de transportistas da localidade.