Concello de Verín

Hoxe, 6 de agosto, inaugurábase no Museo Claustro Mercedario a actividade “Verín, enclave de gaita”, unha proposta que revela a orixe da gaita e achega a súa historia a esta vila que, por tradición, contou sempre entre os seus veciños cun gran número de gaiteiros e amantes deste instrumento.

Esta mañá, a sede da AECT  Chaves-Verín acolleu o acto inaugural do primeiro   Transporte Urbano Transfronteirizo  Chaves-Verín ( TUT). O novo servizo foi presentado  polo presidente da Cámara de  Chaves e presidente da  Eurociudad, Nuno  Vaz, o alcalde de Verín e director do ente transfronteirizo, Gerardo Seoane, e o director técnico da AECT, Pablo Rivera. Ao finalizar a presentación, o novo transporte urbano quedou inaugurado realizando a súa primeira viaxe ata  Chaves.

O Museo Claustro dos Mercedarios inaugurará mañá, 6 de agosto, a exposición “Verín, enclave de gaita” como froito da colaboración entre o Concello de Verín, a Escola Provincial de Gaitas de Ourense e o Obispado de Ourense. Pretende achegar a historia deste instrumento a unha comarca que, por tradición, foi sempre un enclave de referencia dentro do mundo da gaita. Dentro do programa ao que pertence dita exposición, “Verín, enclave de gaita”, inclúense tamén concertos e conferencias como a que se celebrará, da man do propio Xosé Lois Foxo, ao longo desta semana.

Onte, 1 de agosto, os nenos e nenas maiores da ludoteca e os do campamento urbano viaxaron a Vila Real para disfrutar nun parque acuático, un complexo con moitas e atractivas actividades, cunha gran variedade  actividades tales como:  piscinas con tobogáns, piscina con jacuzzi e chorros, campo de fútbol-praia, minigolf, granxa doméstica, paintball e un parque de aventuras con arborismos, escalada, tirolina, etc.

Do 8 de agosto ao 5 de setembro, a Sala de Exposicións de Verín acollerá a mostra 'Talla: Arte  e Oficio', que presenta obras realizadas polo alumnado de Talla das Aulas de Especialización da Escola de Artes e Oficios de Verín. Así mesmo, a inauguración oficial terá lugar o propio día 8 de agosto, ás 19:00 horas.