Concello de Verín

Despois da excelente temporada realizada polo CDR Portas Abertas - Xadrez Verín na Liga Galega, onde conseguiu o sétimo posto mantendo a categoría na División de Honra co Verín A e o ascenso a Segunda División co Verín C, o Xadrez Verín ven de conseguir o seu maior logro deportivo da historia proclamándose campión da Copa Galicia por equipos 2019, encontro disputado o pasado domingo 26 en Noia.

Máis de trinta nenos e nenas participaron  onte, xunto cos seus proxenitores, na festa de fin de curso do programa 'Kero-Kolo'. Devandita xornada lúdica tivo lugar na cafetería “Pequenos”, establecemento que cedeu as súas instalacións para a celebración da mesma. Durante o evento, os cativos foron agasallados cunha orla con fotografías de todos os participantes.

Dez integrantes do Clube Ciclista Verín participaron este domingo na oitava edición da Granfondo Stelvio Santini 2019, unha cita ciclista italiana con saída e chegada a Bormio, e que discorre polos portos de #Teglio, #Mortirolo e #Cancano.

Por segundo ano consecutivo, a Oficina Municipal de Información Xuvenil do Concello de Verín organiza un campamento infantil que terá lugar no albergue da estación de ferrocarril de Vilavella, situado en A Mezquita. O obxectivo e fomentar o respecto pola natureza e o medio ambiente nos menores, valorizar a importancia da reciclaxe e promover a convivencia mediante actividades lúdicas e educativas como tirolina, ponte tibetana, escalada en rochódromo, tiro con arco, obradoiros etnográficos da zona, visitas, xeocaching con gps e piscina, entre outras.

Desde a concellería de Deportes de Verín infórmase que o 5 de xuño abre o prazo de inscrición do programa deportivo “Escola de Verán 2019”, unha iniciativa lúdico-deportiva, que desenvolverá desde o luns 1 de xullo ata o venres 30 de agosto, destinada a máximo de 200 menores nados dende o 2005 ata o 2015.