Concello de Verín

Esta mañá, máis dun centenar alumnos e alumnas de segundo da ESO pertencentes ao Colexio María Inmaculada participaron nunha xornada de actividades de educación viaria, incluídas na súa materia  optativa “ Mobilidade  sostible e Segura”, primeira asignatura específica de mobilidade e educación viaria, única en España,  desenrolada en Galicia pola DGT e a consellería de Educación da Xunta de Galicia.

A Oficina Municipal de Información Xuvenil do Concello de Verín abre o prazo de tramitación das solicitudes de inscrición dos/as mozos/as, de entre nove e dezasete anos, interesados/as en participar na campaña de Verán 2019, que promove nos meses de xullo, agosto e setembro  a Dirección Xeral de Xuventude e Voluntariado.

O AGRUPAMENTO EUROPEO DE COOPERACIÓN  TERRITORIAL (AECT) EUROCIDADE CHAVES-VERIN, en colaboración coa área de Servizos Sociais do Concello de Verin reforza os PROGRAMAS DE TERMALISMO SOCIAL 2019, con un Programa de Voluntariado Social dirixido aos coidadores de persoas en situación de dependencia que participen nas sesións termais.

O mércores 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maios. Este ano, a Praza García Barbón acollerá tamen a cuarta edición da Feira Solidaria de Verín que contará coa participación de trece entidades sen ánimo de lucro, que ofrecerán todo tipo de produtos e/ou servizos con fins solidarios. Así o confirmaron esta mañá Purificación Caldelas, concelleira da área de Turismo, Comercio, Balnearios e Transportes e Emilia Somoza, concelleira de Educación Festexos e Cultura, na casa consistorial de Verín.

O vindeiro 26 de abril, ás 19:30 horas, a Biblioteca Municipal do Concello de Verín acolle a inauguración da exposición “Escolma Gráfica da Historia das Letras Galegas”, mostra que recolle a recompilación da cartelería histórica que acompañou a celebración do Día das Letras Galegas dende o seu inicio.