Concello de Verín

Esta mañá presentouse en Ourense o proxecto Camiños de Terra, unha iniciativa impulsada por  Pixel  Audiovisuais e  MundiNova Consultores de Comunicación, e na que colabora o Concello de Verín, que consiste na gravación dun documental que narrará a viaxe de Galicia a  Galitzia (Polonia) nunha caravana  vintage  autosostenible. Ademais, durante a viaxe promocionarase a provincia de Ourense como destino turístico e termal e a candidatura de Ribeira Sacra Patrimonio da Humanidade da UNESCO.

Preto de 200 nenas e nenos de diversos centros da provincia de Ourense visitaron as actividades de divulgación ambiental ubicadas, xunto cos fondos permanentes, no Museo do Claustro Mercedario de Verín. As exposicións sobre a "Bolboreta Monarca" e "Aves de Galicia" permanecerán visitables ata o 23 deste mes.

O alcalde de Verín, Gerardo Seoane, inaugurou esta mañá a vertente técnico-agroalimentaria das festividades e feiras Lázaro, Agro + Verín, no Pavillón dos Deportes da vila do Támega, marcándose como reto acadar novos elementos de formacion técnica para vila, sustanciais para dar oportunidades á mocidade. "Xa foron transformados e modernizados moitos aspectos da vila", dixo, "pero temos pendente traer a Verín ramas técnicas de formación, centradas nas novas tecnoloxías e nas vangardas dixitais", para xerar un novo espazo de futuro para todos. 

Coa inauguración da Feira do Libro do Lázaro, onde os representantes institucionais visitaron ós libreiros de #Verín, deron comezo as festividades do #Lázaro2019.

Tamén abriu as súas portas o Museo do Claustro Mercedario, con dúas exposicións medioambientais para escolares.