Concello de Verín

-O alcalde asinou hoxe os documentos oficiais de transferencia das antigas estradas nacionais

-"Iniciamos o cambio histórico de converter estradas en rúas para as veciñas e veciños de Verín"

O alcalde de Verín, Gerardo Seoane, ven de asinar o documento oficial de traspaso dos tramos urbanos da N-525 e da N-532 ó seu paso pola vila do Támega. "Con este paso", afirmou, "complétase o proceso histórico de mutación das estradas que atravesaban a vila por rúas para as veciñas e veciños". O rexedor anunciou que o Concello xa prepara un proceso de humanización destes viais, con ampliación de aceiras e novas distribucións viarias, toda vez que xa son propiedade municipal.

A celebración do Domingo de Piñata puxo o broche final ao Entroido de Verín. Durante o acto tivo lugar un xantar popular, nun restaurante da vila, para os participantes nos desfiles de Entroido. Ao rematar, fíxose entrega dos galardóns de Honra, “Pescadilla” e Fidelidade e dos agasallos conmemorativos por parte de Gerardo Seoane Fidalgo, alcalde de Verín; Diego Lourenzo Moura, tenente de alcalde; as concelleiras de cultura e turismo, Emilia Somoza e Purificación Caldelas; e María Luísa Castro (Luisina).

O CIM, a Federación Provincial de Mulleres Rurais (FEMURO), C.D.R. Portas Abertas e Cruz Vermella agradecen a gran participación no acto central do 8 de Marzo, Día Internacional da Muller.

Os actos comezaban ás 12:00h coa xuntanza comarcal para as mulleres na praza do Concello de Verín, que serviu de punto de encontro para crear un espazo comunitario. Ás 12:30h tivo lugar a lectura dun Manifesto, co fin de visibilizar as denuncias e esixencias baixo o lema “Mulleres diversas e con iguais dereitos”, e, de seguido, unha performance infantil “en representación da igualdade” contaba cas e cos máis cativas/os como protagonistas dunha xornada cargada de reflexións sobre os dereitos conquistados e reivindicacións en defensa do activismo das mulleres como medio para acadar unha igualdade de xénero efectiva.

Durante os días 08, 09 e 10 de marzo, o cinema municipal de Verín acolle a proxección da película Capitana Marvel no Salón de Actos da Casa da Cultura nos seguintes pases:

Desde a concellería de Festexos do Concello de Verín infórmase que debido ás inclemencias meteorolóxicas e ás precipitacións que afectan neste momento á nosa localidade queda suspendido o desfile do martes de  Entroido.