Concello de Verín

O vindeiro xoves 14 de febreiro, a Biblioteca Municipal do Concello de Verín acolle, ás 19:30 horas, a conferencia “A Tatuaxe, medio de transmisión da cultura galega”,  impartida polo ilustrador Paco Boluda e pola tatuadora Sonia Zarraquiños.

Durante os días 15, 16 e 17 de febreiro , o cinema municipal de Verín acolle a proxección da película Alita, ángel de combate no Salón de Actos da Casa da Cultura nos seguintes pases:

O Concello de Verín abre o prazo de inscrición para as carrozas e comparsas que desexen participar no desfile do Entroido deste ano. A data límite para inscribirse é o venres 1 de marzo, ás 14:00 horas.

Un total de 15 alumnos participan no “Curso de atención sociosanitario a persoas dependentes en institucións sociais" que se está a impartir na Casa da Xuventude do Concello de Verín.

Desde o pasado día 1 de febreiro, 332 alumnos e alumnas de Educación Secundaria Obrigatoria de catro institutos e colexios verinenses participaron, en visitas programadas polas súas aulas, nas exposicións Obxectivos do Desenvolvemento Sostible e 15 Visións: unha perspectiva de diferentes realidades desde o punto de vista da arte. Os 15 grupos, que participaron en horario escolar en actividades que se desenvolveron na Casa da Cultura e na Sala de Exposicións de Verín, pertencían ao IES Castro de Baronceli (1º a 4º de ESO), IES Xesús Taboada Chivite (1º de ESO), Colexio Apostólico Mercedario (alumnado de 1º a 4º de ESO) e Colexio María Inmaculada (1º, 2º e 3º de ESO).