Concello de Verín

O cartel presentado baixo o lema “O descanso dos Cigarróns” resultou gañador do concurso do Cartel Oficial do Entroido 2019, segundo o reconto da votación popular celebrado o día 10 de decembro no Auditorio Municipal do Concello e Verín.

O Festival Internacional de Curtas de Verín, FIC Vía XIV, finalizou esta noite no Auditorio da vila, no contexto dunha gala chea de emotividade, música e sorpresas. As condutoras do acto, a presentadora de televisión Nieves Rodríguez e a actriz Ledicia Sola, foron as encargadas de desvelar os nomes dos gañadores tras unha semana de votacións e deliberacións. A asistencia e participación no festival e nas súas actividades paralelas, ao longo de toda a semana, foi de “arredor 3.000 persoas”, tal e como revelou no decurso da gala o director do certame, Carlos Montero.

O conflito palestino-israelí trátase en Verín no marco do FIC Vía XIV 2018. Hoxe celebrouse no Auditorio unha actividade paralela á proxección de curtas, na que Gonzalo Veloso, programador do festival, e Miguel Ribeiro, un dos membros do xurado,  abordaron o funcionamento do Centro de Información Israelí para os Dereitos humanos nos territorios ocupados, B’Tselem.

O Festival Internacional de Curtos de Verín programou esta tarde unha selección de traballos que foron exhibidos en edicións pasadas do certame  online  Animacam, festival convidado nesta edición do  FIC Vía  XIV. No marco deste espírito de entendemento mutuo, o director de  Animacam, Xosé Lois Martínez Carneiro, desprazouse ata Verín para impartir unha  Masterclass na que explicou ao público presente as claves e particularidades que comporta a organización dun festival de cinema de natureza exclusivamente dixital.

Algúns dos directores das curtas participantes e varios membros do xurado do FIC Vía XIV realizaron esta mañá unha visita guiada por Verín e comarca. O percorrido comezou no Auditorio de Verín arredor das 11.00 h da mañá. Dende alí, o grupo desprazouse ata o Castelo de Monterrei, onde visitou os distintos emprazamentos do monumento, ademais da Igrexa de Santa María e o Hospital de Peregrinos.